Heidi Grande Røys

Heidi Grande Røys
	Heidi Grande Røys
	; Heidi Grande Røys Foto: John Erling Blad
Fødd	6. mai 1967 (56 år); Kalvåg
Statsborgar av	Noreg
Parti	Sosialistisk Venstreparti
Yrke	politikar
Alle verv	stortingsrepresentant (2001–2005); Norges fornyings- og administrasjonsminister (2005–2009) ;

Heidi Grande Røys (fødd 6. mai 1967 i Kalvåg i Bremanger kommune) er ein norsk politikar for SV. Røys har bakgrunn som barnehagestyrar og lokalpolitikar i Flora kommune.

Ho er utdanna førskulelærar frå Lærerhøgskolen i Bergen (1986-89). I åra 1989–1996 var ho avdelingsleiar og styrar ved Havreneset barnehage i Florø. Røys har representert SV i formannskapet og bystyret i Flora.

Røys var politisk rådgivar i SV si stortingsgruppe i 1999 og 2000, og i 2001 vart ho vald inn som stortingsrepresentant for SV frå Sogn og Fjordane. På Stortinget vart ho medlem av Finanskomitéen og Fullmaktskomitéen. I 2005 mista ho mandatet ved stortingsvalet.

17. oktober 2005 vart Heidi Grande Røys utnemnd til statsråd i regjeringa Stoltenberg II som leiar for det nye Fornyings- og administrasjonsdepartementet. Etter valet i 2009 vart ho erstatta av Rigmor Aasrud som statsråd. Ho vart heller ikkje attvald til Stortinget, og gjekk tilbake til jobben som barnehagestyrar.

Kjelder[endre | endre wikiteksten]

Biografi på Stortinget.no, innhenta 7. januar 2010.
Kvinnestemmer frå Sogn og Fjordane Arkivert 2014-08-08 ved Wayback Machine.

«Heidi Grande Røys» i Store norske leksikon, snl.no.