Wikipedia:Ukens artikkel på nynorsk/Uke 15, 2019

Fra Wikipedia, den frie encyklopedi
Akvarium i 1986
Akvarium i 1986

Akvarium (russisk Аквариум) er eit russisk rockeband som vart danna i Leningrad i 1972 av Boris Grebensjtsjikov (ofte berre kalla BG) og Anatolij «George» Gunitskij. Bandet har hatt ei heil rekkje forskjellige medlemmer, og BG er den einaste som har vore med heile perioden. Akvarium er eit av dei eldste russiske rockebanda, og i motsetnad til dei fleste andre rockebanda som vart starta i Sovjetunionen på 1970-talet held Akvarium framleis på i dag.

I 1980 spelte bandet på ein rockefestival i Tblisi som var eit forsøk frå den sovjetiske regjeringa på å kontrollere den nye rockerørsla. Offisielt var festivalen ein musikkonkurranse, og medlem av juryen vart ikkje imponerte over Akvarium si framføring. Etter konserten laga KGB ein rapport om Akvarium. Dette førte til at BG mista jobben sin i eit designbyrå og medlemskapen i Komsomol, det unge kommunistiske forbundet, som betydde ein hadde liten sjans for ein vidare jobbkarriere i Sovjetunionen. Les meir …